Ministri i Punëve të Jashtme i Kosovës, Behgjet Pacolli tha sot se Kosova shënoi një hap të rëndësishëm dhe se votimi i tri projektligjeve për transformimin e FSK-së është jetësim i amanetit të shumë brezave.
Pacolli në një postim në rrjetin social Facebook shkruan se uniteti politik që u reflektua sot në Kuvend është lajm i jashtëzakonshëm për të ardhmen.
“Ushtria e Kosovës dhe shteti ynë është jetësim i amanetit të shumë brezave. Urime Kosovë. Shteti ynë shënoi një hap të rëndësishëm drejt forcimit të vet. Uniteti politik që u reflektua sot në Kuvend është lajm i jashtëzakonshëm për të ardhmen tonë. Ne jemi bashkë kur është në pyetje Kosova”, shkruan Pacolli. /Telegrafi/