Ministri i Punëve të Jashtme, Behgjet Pacolli, mëngjesin e sotëm ka takuar në Strasburg Elmar Brok, deputet i Parlamentit Evropian, ish-kryetar i Komitetit për politikë të jashtme.
Pacolli ka njoftuar se me Brok kanë biseduar për situatën në Kosovë dhe nevojën që sa më shpejtë të ndodhë liberalizimi i vizave për qytetarët.
Ministri i Jashtëm thotë se gjithashtu me Brok, i cili është njëri prej njerëzve kyç të CDU, kanë biseduar edhe për konsolidimin dhe thellimin e marrëdhënieve ndërmjet Kosovës dhe Gjermanisë.
“Gjermania mbetet partner kyç në rrugën evropiane të vendit tone”, ka theksuar Pacolli.