Nuk do të jetë tamam si më kohët e vjetra për Lionel Messin kur ai do të drejtok sulmin e Paris Saint-Germain kundër Lorient sot (e mërkurë) në Stade Moustoir, por argjentinasi do të rikthehet në rolin e tij të zakonshëm si ylli i skuadrës së tij.
Për 17 vjet, Messi ishte praktikisht i paprekshëm me Barcelonën, dhe aq më tepër kohëve të fundit, pasi kur Barça kishte një problem për të zgjidhur, zgjidhja zakonisht ishte ‘t’i jepte topin Messit’.
Shtatë Topat e Artë të tij ofrojnë dëshmi të mjaftueshme se sa i suksesshëm ishte ky ‘mashtrim’.
Megjithatë, që kur u transferua te PSG në verë, atij i është dashur të luftojë për të qenë në qendër të vëmendjes dhe jo shpeshherë e ka gjetur atë.
Kylian Mbappe ka qenë figura kryesore e parisienëve këtë sezon. Me 15 gola dhe po aq asistime, nuk mund të ketë dyshime se sensacioni francez, i cili të hënën festoi 23-vjetorin e lindjes, e ka eklipsuar plotësisht 34-vjeçarin argjentinas.
Megjithatë, Mbappe do të humbasë udhëtimin e së sotëm në Lorient për shkak të pezullimit. Neymar, anëtari i tretë i kësaj treshe yjesh, është ende prej më shumë se një muaji larg rikthimit të gjendjes fizike.
Kështu, kjo do të jetë hera e parë që Messi të jetë i vetëm në sulmin e PSG-së dhe ylli i vetëm i skuadrës në një ndeshje, duke bërë që argjentinasi të përballet me provën e partë të rëndësishme. /Telegrafi/