Pamjet rrëqethëse shfaqin momentin kur policët e paarmatosur hasin ballë përballë me tre terroristë, që bartnin jelekë të mbushur me lëndë shpërthyese.
Situata kaotike e krijuar pas sulmit terrorist mbi urën e Londrës në qershor të vitit 2017, ku humbën jetën shtatë persona dhe u plagosën 48 tjerë, polici Bartek Tchorzewski, 36-vjeç vraponte në drejtim të Khuram Shazad Butt, Rachid Redouane dhe Youssef Zaghba derisa po kalonin pranë marketit Borow, transmeton Telegrafi.
Ai së bashku me kolegun Sam Balfour vetëm sa kishin përfunduar ndërrimin, por kur u telefonuan i thanë njëri-tjetrit: “Po, duhet t’i ndihmojmë”. Dyshja kështu vrapuan menjëherë në vendin e ngjarjes të armatosur vetëm me shufra gome dhe pranga.
Me të mbërritur në vendin hasën në terroristët që kishin thika të mbuluara në gjak dhe jelekë të mbushur me lëndë shpërthyese, por Tchorzewski iu afrua në dy metra vrasësve duke tentuar t’i shpërqendrojë dhe t’i shpëtojë qytetarët e pafajshëm.
Megjithatë terroristët tashmë kishin vrarë disa kalimtarë të pafajshëm mbi urën e Londrës, e videoja e publikuar më poshtë ka përfunduar në internet pas përfundimit të hetimeve, ku është konstatuar se policët kishin respektuar ligjin kur i kishin qëlluar terroristët për vdekje, pasi kishin injoruar qëllimisht paralajmërimet e tyre. /Telegrafi/
