Ditë më parë, Ozzy Osbourne e ka publikuar këngën e re nga albumi i ardhshëm, “Ordinary Man”.
Kënga e re mban titullin “Straight to Hell”, ndërsa në realizimin e saj, këngëtari ka bashkëpunuar me Slash, kitaristin e bendit legjendar, “Guns N’ Roses”.
Muzikanti 70 vjeçar para publikimit të kësaj kënge, ua kishte prezantuar fansave të tij faqen e internetit straighttohell.ozzy.com.
Përmes kësaj faqeje edhe është prezantuar kënga e re, e cila ka ardhur vetëm në versionin audio.
Ndryshe, albumi i ardhshëm i rokerit pritet të publikohet në fillim të vitit të ardhshëm. /Telegrafi/
