Mesut Ozil është i lumtur që të largohet nga Arsenali në këtë muaj, por klubi duhet të paguajë atë për tri vite të tjera.
Mesfushori gjerman nuk është në planet e Mikel Artetas dhe nga fillimi i vitit të kaluar nuk ka luajtur në asnjë takim për The Gunners.
Ozil fiton rreth 400 mijë euro në javë te Arsenali, derisa është shumë afër marrëveshjes me Fenerbahcen.
Lojtari nuk pranon që të shitet te skuadra turke, pasi dëshiron të jetë vetëm si i huazuar nga skuadra londineze deri në fund të kontratës së tij.
Ozil i ka bërë me dije Arsenalit se ai pranon të largohet nga skuadra vetëm nëse i paguhet paga deri në vitin 2023 edhe pse kontrata i skadon në këtë verë.
Topçintë do të duhej t’i paguanin Ozilit rreth 70 mijë euro në muaj deri në vitin 2023, në mënyrë që të pranon që të largohet përfundimisht nga klubi.
Arsenali me gjasë mund të lejojë lojtarin edhe të largohet si lojtar i lirë, në mënyrë që t’i shpëtojë pagës së tij të lartë. /Telegrafi/