Mesut Ozil është zgjedhur futbollisti i vitit në Gjermani, duke mposhtur në këtë garë mesfushorin e Real Madridit, Toni Kross, ndërsa pas ceremonisë u pyet se si qëndron situata e tij në Arsenal, ku u përgjigj se ndihet shumë mirë.
Në javët e fundit është folur për një pakënaqësi të mesfushorit gjerman në Arsenal, ku mendohej edhe largimi i tij, por kështu nuk mendon edhe vet Ozil, i cili ka deklaruar si ndihet mirë në skuadrën londineze.
“Unë kam ardhur vetëm sezonin e kaluar në Ligën Premier. Kam kaluar dëmtimin tim dhe tani ndihem shumë rehat në Londër”, ka thënë fillimisht Ozil për faqen zyrtare të Federatës së Futbollit Gjerman.
“Si një nga lojtarët më me përvojë në ekip, unë përpiqem të kalojë këshillat e mia për lojtarët e rinj. Edhe në qoftë se unë nuk jam lojtari më i zëshëm në fushë, zëri im dëgjohet në ekip dhe përpiqem të ndihmoj çdo ditë lojtarët tanë të rinj”, përcjell Telegrafi.
“Unë kam ndryshuar disa gjëra në jetën time vitin e kaluar, për shembull dietën time dhe trajnimin. Kjo më ndihmon për rigjenerimin e shpejtë pas lojërave dhe kjo zvogëlon mundësinë lëndimeve”, përfundoi mesfushori gjerman. /Telegrafi/