Mesut Ozil dhe Jack Wilshere janë afër të nënshkruajnë marrëveshje të reja për vazhdimin e kontratës me Arsenalin, raportojnë mediat angleze.
Dyshja e mesfushorëve janë jashtë kontratës verën e ardhshme dhe tani mund të flasin me klubet jashtë vendit, por edhe ato angleze për një lëvizje të lirë në muajin korrik.
Arsene Wenger shpresonte të bindte Alexis Sanchezin të rinovoj, por hoqi dorë pasi e bëri të qartë se donte të largohet nga Emirates.
Kiliani është i vendosur të bashkohet me Manchester Unitedit në një kalim mahnitës, i cili do të shihte 29-vjeçarin tek i merr 505 mijë euro në javë.
Por, sipas The Sun, Arsenali është vendosur për t’i blinduar Ozilin dhe Wilshere, të dy të etur për të qëndruar dhe për të ndihmuar në rindërtimin e një skuadre në trazira tash e dy sezone.
“Mesut e do Arsenalin. Ai e do jetën në Londër dhe e ka bërë të qartë se dëshiron të qëndrojë”, ka thënë një burim afër Emirates.
“Jack është i Arsenalit kokë e këmbë dhe dëshiron të bëhet kapiten i klubit sezonin e ardhshëm. Ai dëshiron të jetë një legjendë”.
“Ata i kanë marrë kontratat e reja në tavolinë dhe nuk ka shumë gjëra për të hekur, por duhet të zgjidhen së shpejti”, përfundon njeriu i afërt me Emirates.
Ozil, 29 vjeç, dëshiron një rritje të madhe në pagat e tij prej 150 mijë funtesh në javë dhe gjithashtu fanellën me numër 10, ndërsa Wilsheret i është ofruar një marrëveshje me më pak para se ajo e mëparshmja.
Kushtet e tij të reja megjithatë kanë një numër të stimujve bazuar në përshtatshmërinë e tij dhe numrin e paraqitjeve që ai bën dhe kjo duket se e bind Wilsheren. /Telegrafi/