Shkëndija u eliminua nga Liga e Kampionëve në raundin e tretë kualifikues duke pësuar me rezultat të përgjithshëm prej 4-0 nga Red Bull Salzburgu.
Kampioni i Maqedonisë humbi me rezultat 3-0 në takimin e parë në Austri dhe trajneri Qatip Osmani mendon se pikërisht ky rezultat ia pamundësoi skuadrës së tij kualifikimin, pasi ishte thuajse e pamundur të përmbysej.
85' Fünf Minuten noch regulär. Es riecht nach Aufstieg. 🙂 // 5 minutes left. Looks good to us. 😉#KFSFCS 0-0 pic.twitter.com/DhyGPlHiIs
— FC Red Bull Salzburg (@RedBullSalzburg) August 14, 2018
Ekipi nga Tetova bëri paraqitje të mirë në ndeshjen kthyese në Shkup, mirëpo pranoi gol në minutat shtesë.
“Mendoj se diferenca e lojës së parë e bëri të veten. Ne në momente luajtëm mirë dhe krijuam disa raste, megjithëse edhe Red Bull Salzburgu pati mundësitë e veta”.
“Megjithatë duhet të jemi të kënaqur me lojën e treguar edhe përkundër eliminimit”.
69' Starke Phase der Gastgeber jetzt, aber zum Glück ohne Folgen bislang. // Shkendija increase the pressure … #KFSFCS 0-0 pic.twitter.com/ktHOwXqWWp
— FC Red Bull Salzburg (@RedBullSalzburg) August 14, 2018
“Gjithsesi vazhdojmë në ‘play-off’ të UEFA Europa League, ku me shumë gjasa do të përballemi me Rosenborgun”.
“Bëhet fjalë për skuadër kualitative e cila kohëve të fundit nuk është në nivelin e dikurshëm dhe mendoj se në këtë moment ne mund të kërkojmë shanset tona për hyrje në fazën e grupeve”, ka deklaruar Osmani.
Rosenborgu e ka fituar ndeshjen e parë si mysafir i Cork Cityt (2-0), ashtu që është favorit absolut për të vazhduar në fazën ‘play-off’ të Ligës së Evropës, ku do të ndeshet me Shkëndijën. /Telegrafi/