Ministri i Jashtëm i Maqedonisë së Veriut, Bujar Osmani thotë se ndryshimet kushtetuese do të ndodhin deri në fund të këtij mandati.
Sipas tij, tani është momenti ideal për të bërë këto ndryshime, sepse në maj do të jenë edhe zgjedhjet parlamentare evropiane dhe vëmendja do të fokusohet gjëkundi tjetër dhe jo në Ballkan.
Osmani për “TV21” tha se një grup nacionalistësh nuk mund të mbajnë peng një popull të tërë.
I pyetur se a do të bindet edhe opozita për votimin e ndryshimeve kushtetuese, Osmani u përgjigj se mesazhi i sekretarit amerikan të shtetit ndaj OBRM-PDUKM-së ishte mesazh që në të vërtet nuk e kemi dëgjuar në historikun e këtij shteti.
“Shpresojmë se po. Mesazhi i sekretarit amerikan të shtetit nda VMRO-së ishte mesazh që në të vërtet nuk e kemi dëgjuar në historikun e këtij shteti. Një mesazh i partnerit tonë më të madh strategjik, ku i thotë kryetarit të opozitës që nëse nuk tregon cila është alternativa, unë nuk do të kisha vlerë veturë nga ai, dmth. as nuk do të kisha votuar. Tani është mundësi jonë ideale dhe nuk mund ta mbajë peng një popull një grup nacionalistësh. Maqedonia mund të mbetet izoluar pasi disa vende do të ecin më shpejtë dhe ne do të harrohemi. Ndryshimet kushtetuese duhet të ndodhin deri para majit”, tha Osmani.