Zv. kryeministri për çështje Evropiane, Bujar Osmani, ka realizuar një takim me Ambasadoren e Austrisë në Shkup, Renata Kobler, njofton Telegrafi Maqedoni.
Me këtë rast, Osmani njoftoi ambasadoren Kobler për prioritetet e Qeverisë së re në periudhën që vjen në lidhje me integrimet në BE, duke shtuar se do të vazhdojë bashkëpunimi për reformat urgjente.
Osmani theksoi se përqëndrimi mbetet në përmbushjen e detyrimeve që rrjedhin nga reformat urgjente prioritare dhe Marrëveshjes së Përzhinos.
Bashkëbiseduesit u pajtuan që Maqedoninë e pret një periudhë e punës së madhe për ta kthyer në rrugën e BE-së./Telegrafi/