Organi Shqyrtues i Prokurimit (OSHP) i ka anuluar një tender Ministrisë së Zhvillimit Ekonomik (MZHE), për renovimin e pesë ndërtesave institucionale.
Dy operator “Pe-vla-ku” dhe ‘Everest” kanë bërë ankesë në OSHP ku edhe iu është miratuar ankesa e tyre që ka detyruar kthimin në pikën zero, raporton Indeksonline.
Në vendimin e OSHP-së, thuhet se “Operatori Ekonomik “Pe-vla-ku”, në Prishtinë si palë e pakënaqur ka parashtruar ankesë në OSHP lidhur me aktivitetin e prokurimit “Renovimin e 5 ndërtesave: Ministria e Kulturës, Fakulteti Teknik, Klinika Dermatologjike- Plumare, Agjencioni i Statistikave dhe Fakulteti i Kimisë të gjitha në Prishtinë- Kosovë, projekt i Energjisë Eficente dhe Energjisë së Ripërtritshme”, ku është aprovuar si e bazuar kërkesa e këtyre dy operatorëve.
OSHP-ja e ka urdhëruar palën kontraktuese që ta rikthejë tenderin që nga fillimi, dhe tua kthej operatorëve ankues nga 500 euro, shpenzime që janë kryer për ankesë. /Telegrafi/
