Vitin e kaluar përfaqësuesit e OSBE-së mbikëqyrën mbi 100 raste gjyqësore, kurse Koalicioni për gjykim të drejtë mbikëqyri mbi 450 raste në njësitë e apelit në vend, përcjell Telegrafi Maqedoni.
Kjo u tha në takimin vjetor për përcjelljen e proceseve gjyqësore që organizohet nga OSBE/ODIHR dhe Misioni i OSBE-së në Shkup, aktivitet që do të zgjatë deri në ditën e mërkurë.
Në takimin që mbahet në Shkup marrin pjesë përfaqësues nga shtatë misione të OSBE-së dhe përfaqësues të mbi 29 OJQ-ve të rajonit të OSBe-së që gjatë dy ditëve do të shkëmbejnë përvojat dhe do të flasin për sfidat që lidhen me mbikëqyrjen e lëndëve të profilit të lartë gjyqësor./Telegrafi/