Përfaqësuesja e OSBE-së për lirinë e mediave Dunja Mijatoviq ka dënuar sot arrestimin e kryeredaktorit të gazetës “Cumhuriet” Murat Sabuncu dhe tre kolumnistëve Giraj Exa, Ajdan Engin dhe Kadri Gursel I cili është edhe anëtar i Institutit ndërkombëtar të mediave.
“Vala më e re e arrestimeve të përfaqësuesve të mediave është edhe një goditje për mediat e lira në Turqi. Autoritetet duhet të kthejnë lirinë e mediave dhe të ruajnë pluralizmin medial dhe mos të merren masa ndaj tyre”, ka thënë Mijatoviq në deklaratë.
CNN Turk bën të ditur se janë dhënë urdhër arreste për gjithsej 13 udhëheqës dhe gazetarë të “Cumhuriet” përfshirë Sabuncu dhe presidentin e Bordit drejtues Akin Atalay ndërsa një gazetar i kësaj gazete veç është arrestuar në Ankara.
Mediat pro qeveritare në Turqi kanë bënë të ditur se të punësuarit në “Cumhuriet” janë duke u hetuar pasi që kanë lidhje me klerikun mysliman Fehtullah Gulen për të cilin Ankaraja zyrtare dyshon se ka organizuar tentim puqin më 15 korrik si dhe ka lidhje me militantët kurdë.
Kryeredaktori i mëhershëm i “Cumhuriet” Can Dundar është dënuar me gjashtë vjet burg për shkak të publikimit të sekreteve shtetërore përfshirë edhe për aksionet e Ankarasë në Siri.
Dënimi i Dundar ka shkaktuar kritika dhe akuza për censurë, të cilat qeverisë turke i janë dërguar nga organizatat për të drejtat e njeriut sit ë shqetësuar pa shkelje të të drejtave të njeriut në Turqi e cila udhëhiqet nga presidenti Recep Tayyip Erdogan.