Orlando Magic ka marrë fitoren më të rëndësishme të sezonit duke triumfuar në udhëtim te Boston Celtics.
Magic kanë triumfuar në TD Garden me tetë pikë diferencë 108:116, duke siguruar kësisoj një pozitë që i dërgon ata në Play Off.
Terrence Ross me 26 pikë ishte basketbollisti më efikasi tek Magic.
Ndërkohë me lojë të mirë u dalluan edhe qendra malazeze Vucevic me 25 pikë si dhe francezi Fournier që shtoi 24 pikë të tjera.
Kyrie Irving me 23 pikë si dhe Al Horford me 18 të tjera ishin më efikasit tek vendasit, por që nuk mjaftuan për fitore.
Në konferencën e Lindjes ka mbetur të caktohet vetëm edhe një skuadër që do të marrë pjesë në Play Off dhe ajo do të jetë njëra mes Detroit Pistons dhe Miami Heat. /Telegrafi/
Rezultatet:
Toronto – Miami, 117-109
Cleveland – San Antonio, 90-112
Minnesota – Oklahoma, 126-132
Detroit – Charlotte, 91-104
Indiana – Brooklyn, 96-108
Memphis – Dallas, 127-129
Houston – Phoenix, 149-113
Milwaukee – Atlanta, 115-107
Boston – Orlando, 108-116
New York – Washington, 113-110
Golden State – Clippers, 131-104
Portland – Denver, 115-108
Sacramento – New Orleans, 129-133
Lakers – Utah Jazz, 113-109
