Shfaqja fillon në orën 19:30, ndërsa luajnë: Ernest Zymberi, Labinot Lajqi, Gezim Bucolli, Safete Mustafa, Artan Selimi.
"Orkestra e Titanikut" është një dramë për njeriun që fundoset në ëndrrat e veta, për njeriun e dëshpëruar të cilit nuk i ofron asgjë vendi në të cilin ndodhet, prandaj e vetmja shpresë është ikja nga ai vend.
Stacioni si metonimi e një shteti që nuk përfillet nga të tjerët (prandaj trenat nuk ndalen aty) dhe treni si një metaforë e ëndrrave (dëshirave) të banuesve të stacionit janë dy figurat kryesore të dramës së Boytchevit e cila ka një analogji të tmerrshme me fatin e njeriut kosovar.