Këngëtarja Orinda Huta dikur ka qenë shumë atraktive në muzikë, gjersa sot fansat kanë mundësinë që ta ndjekin më shumë në televizion, pasi i është përkushtuar më shumë karrierës si prezantuese dhe producente.
Në një intervistë ekskluzive për Telegrafin, Orinda është pytur për projektet e reja në muzikë, gjersa ka treguar se për momentin nuk ka në plan diçka të re.
“Muzika kërkon kohën e vet dhe nuk mund të bëhet thjeshtë për numër. Një këngë më shumë në repertor nuk më duhet as mua”, është shprehur këngëtarja, duke treguar që duhet kushtuar kujdes ndaj një projekti të ri, dhe jo të realizohet pa bazë.
“Kam disa projekte të bukura muzikore, të cilat janë pothuajse të përfunduara, por nuk dua t’i lansoj pa i dhënë rëndësinë e duhur. Kur dita të ketë 48 orë ndoshta do të kem mundësi ti jap rëndësinë e duhur dashurisë time të parë, është shprehur më tej këngëtarja.
Për më shumë mund të lexoni intervistë e plotë. /Telegrafi/
