Tashmë kemi hyrë në muajin e fundit të vitit, koha kur bizneset dhe organizatat fillojnë të shikojnë pas për të vlerësuar arritjet e tyre dhe të përgatiten për suksesin e ardhshëm. Nëse jeni në kërkim të vendit perfekt për të organizuar një ngjarje përmbyllëse të vitit ose për të hartuar strategjitë tuaja për vitin 2024, HaPiTe Space është zgjedhja e duhur për ju.
HaPiTe Space, e themeluar nga partnerët inovativë – Hallakate, Pixels dhe Telegrafi – ofron një ambient modern dhe plotësisht të pajisur me një sipërfaqe prej 50m². Kjo hapësirë është e përkryer për të mbajtur takime, evente dhe trajnime me një standard të lartë të profesionalizmit dhe rehati.
Ambienti është i pajisur me teknologji të avancuar, duke përfshirë një televizor biznesi të përshtatshëm për prezantime interaktive dhe video-konferenca, që sigurisht do të rrisin ndërveprimin dhe produktivitetin e çdo takimi. Përveç kësaj, në HaPiTe Space mund të mblidhen deri në 20 persona, duke u siguruar hapësirën e duhur për të ndarë ide, për të mësuar dhe për të arritur objektivat e ngjarjeve tuaja.
Për të gjithë ata që janë duke planifikuar përpara, tani është momenti ideal për të rezervuar HaPiTe Space për eventin tuaj të mbylljes së vitit apo për të rregulluar detajet e planifikimit për vitin 2024. Me një lokacion të përshtatshëm në qendër të Prishtinës, në rr. Rexhep Mala, dhe me një ekip të gatshëm për t’ju asistuar në çdo hap të rrugës, suksesi i ngjarjes tuaj është i garantuar.
Mos e humbisni rastin për të magjepsur kolegët dhe partnerët tuaj – bëni rezervimin tuaj sot në hello@hapite.net apo thirrni në 049 829 400 dhe bëhuni pjesë e komunitetit të atyre që zgjedhin cilësinë dhe profesionalizmin e HaPiTe Space.
