Ndeshja e parë e kësaj jave do të luhet të shtunën në Mitrovicë, ku do të përballet Trepça me Vëllaznimin. Trepça ka rënë dukshëm nga forma, teksa Vëllaznimi do të kërkojë me ngulm ndonjë pikë për shkak se lufton për mbijetesë.
Të dielën do të zhvillohen pesë duele tjera. Prishtina do ta presë Drenicën në kryeqytet dhe nuk guxon të lëshojë pikë pasi Trepça ’89 është vetëm tre pikë prapa saj.
Trepça ’89 do të ketë përballje të vështirë me Llamkos Kosovën por sidoqoftë pritet ta fitojnë këtë ndeshje. Ndërsa, tri ndeshjet tjera Besa-Hysi,Drita-Liria dhe Ferronikeli-Hajvalia, gjithashtu pritet të jenë interesante.
Orari i ndeshjeve të javës së 25-të:
E shtunë, 20.04.2013, nga ora 15:00:
Trepça – Vëllaznimi (SSK)
E diel, 21.04.2013, nga ora 13:00:
Prishtina – Drenica (SSK)
Trepça ’89 – Llamkos Kosova (SSK)
E diel, 21.04.2013, nga ora 15:00:
Besa – Hysi
Drita – Liria
Ferronikeli – Hajvalia
/Telegrafi/