Java e 26-të në elitën e futbollit kosovar do të filloj ditën e premte me ndeshjen Hajvalia – Prishtina.
Kësisoj në zyrat e Federatës së Futbollit të Kosovës janë deleguar edhe gjyqtarët për ndeshjet e javës së 26-të.
Isak Ceroviku do të jetë gjyqtari kryesor në Kishnicë, në ndeshjen e rivalëve lokal, Hajvalisë dhe Prishtinës.
Ndërkohë ndeshja më interesante pritet të zhvillohet në Gjilan mes Dritës dhe Trepçës ’89.
Gjyqtari më i mirë në Kosovë, Genc Nuza do ta drejtojë këtë ndeshje tejet të rëndësishme për të dyja skuadrat.
Të gjitha ndeshjet fillojnë nga ora 15:00. /Telegrafi/
