Shoqërohet me tension seanca e sotme plenare në Kuvendin e Shqipërisë.
Teksa në foltoren e Kuvendit qëndronte kreu i KQZ-së, Ilirjan Celibashi, deputetët e opozitës kanë kundërshtuar këtë procedurë, pasi kërkojnë futjen në rendin e ditës të çështjes së ish-ministrit Arben Ahmetajt dhe votimi i kërkesës për arrestimin e tij.
Duke u përballur me këtë situatë, Nikolla nuk ka pranuar ndryshim të rendit të ditës. Ajo ka ndërhyrë dhe ka kërkuar pesë minuta pushim.
Megjithatë edhe pas dy ndërprerjeve, deputetët e opozitës kanë vazhduar të kundërshtojnë vazhdimin me rendin e ditës
Opozita lëshoi akuza në drejtim të qeverisë dhe të kryeministrit Edi Rama, ndërsa kërkoi praninë e këtij të fundit në seancë për të dhënë llogari. /Telegrafi/