Një prej portierëve më të mirë në botë luajti vetëm 45 minuta të sfidës ndaj Paraguait, në Kampionatin Botëror, me ç’rast dhe u lëndua në shpinë.
Është thënë se atij do t’i duhet operimi, ndërsa kjo tani edhe ndodhi në mëngjesin e të dielës në Casa di Cura La Madonnina. Të hënën do të bëhet e ditur një diagnozë dhe koha se kur do të rikthehet Buffon, mirëpo spekulohet se ai do të mungojë deri në fund të këtij viti. Për këtë arsye Juventusi e bleu portierin Marco Storari nga Milani.