Aktualisht këto vende prodhojnë 25 milionë fuçi naftë në ditë, por me rritjen e çmimeve me mbi 80 përqind, ministrat e Energjisë të OPEKUt mendojnë se kuotat duhen ndryshuar.
Në tregje, çmimi i arit të zi arriti mbi 75 dollarë për fuçi, por parashikimet për vitin 2010 thonë se çmimi do të mbetet pothuaj i njejtë ndërsa për vitin 2011 do të arrijë në 81 dollarë për fuçi.
Një rol kryesor në rritjen e çmimit të naftës ka luajtur padyshim monedha amerikane që në disa javë ka pësuar një ulje të ndjeshme.
Por OPEK paralajmëron se nëse monedha e gjelbër fuqizohet do të ndikojë padyshim në çmimet e naftës veçanërisht nëse kuotat e prodhimit nuk ndryshojnë.