Pas disa muajve me spekulime, OnePlus 3 lansohet në treg me RAM memorie prej 6GB.
Me një numër të karakteristikave të avancuatra, kompania OnePlus duket se është duke garuar me konkurrentët më të fortë në tregun e telefonave pasiqë ka sjellur specifika të vlefshme në OnePlus 3.
Pjesa më e dobët e pajisjes duket se është ekrani i cili vjen me 5.5” dhe rezolucionin prej 1920 x 1080 pikselëve.
OnePlus i ri fuqizohet nga Qualcomm Snapdragon 820 dhe RAM memorie prej 6 gigabajtëve. Hapësira e brendshme sjell 64GB ndërkohë që kamera paketon 16 megapiksel për foto dhe video duke u mbështetur edhe nga kamera ndihmëse që ka 8 megapiksel.
Bateria e pajisjes ka kapacitet prej 3,000 mAh kurse sistemi operativ është Oxygen OS i cili mbështetet në Android 6.0.
OnePlus 3 poashtu ka të integruar sensorin e gjurmëve të gishtërinjve përmes të cilit bëhet identifikimi dhe ruajtja e sigurisë. Çmimi startues i pajisjes është 399 euro.