Andre Onana ka zhvilluar ndeshjen e dytë me fanellën e Manchester United që nga transferimi nga Interi.
Megjithatë portieri kamerunas ka pasur një moment të sikletshëm në ndeshjen ndaj Borussia Dortmund.
Pas një gabimi skandaloz nga Harry Maguire, Dortmund ishte shumë pranë të shënonte gol dhe kjo gjë nuk i pëlqeu aspak portierit kamerunas.
Përkundër që është vetëm ndeshja e dytë e tij te United, Onana shpërtheu në kritika ndaj Maguires duke i bërtitur shumë anglezit.
Megjithatë qendërmbrojtësi anglez e kuptoi gabimin e tij dhe në asnjë moment nuk i reagoi kamerunasit.
Kjo ka bërë që video në fjalë të shkoj virale në rrjetet sociale, me disa nga tifozët që kanë komentuar se Onana duhet të mësohet tanimë me gabimet e Maguires.
Gjithsesi qendërmbrojtësi anglez është në listën e shitjeve te United dhe duket se Onana nuk do të ketë më punë me të. /Telegrafi/
https://twitter.com/EduOfAwka/status/1685885572441939969?s=20