Omega-3, acidet yndyrore, të gjetura në ushqime të ndryshme, përfshirë arrat, lirin dhe peshqit dhjamor, si salmoni dhe sardelet, mund të zgjerojnë zonat trurore që e udhëheqin humorin (gjendjen emocionale).
Studimet e zhvilluara në Universitetin e Pittsburgh-ut, kanë analizuar 55 të rritur të shëndetshëm, që kanë ngrënë ushqimet e zakonshme, që i hanë edhe ditëve tjera. Pjesëmarrësit, pastaj i janë nënshkruar skenimit duke përdorur rezonancën magnetike.
Studiuesit u fokusuan në masën e përhirtë – e cila përcjell informacionet – të lokalizuar në tri zona të trurit të cilat rregullojnë gjendjen psikike. Pjesëmarrësit me konsumim më të madh të acideve yndyrore omega-3 kishin më shumë lëndë të përhitur në këto zona, siç tregojnë studimet.
Por, ende nuk ka ndonjë konkluzion përfundimtar. Këto studime nuk kanë dëshmuar se këto acide yndyrore, omega-3, kanë ndërtuar vetë masën e përhime. Ndoshta pjesëmarrësit me sasi më të madhe të masës së përhime në ato zona kanë pëlqyer ushqimin e pasur me këto acide yndyrore. Por, nëse omega-3 zgjerojnë masën e përhime, kjo mund t’i sqarojë gjetjet e mëhershme që lidhin me rregullimin e gjendjes shpirtërore.
Këto të arritura u prezantuan në Budapest, Hungari, në konferencën vjetore shkencore të 65-të, të Shoqatës Psikosomatike Amerikane./Telegrafi/