Olivia Rodrigo, Paris Hilton dhe Dixie D’Amelio ishin në mesin e një numri të ftuarish në modë në “iHeartRadio Jingle Ball” të këtij viti, të mbajtur në Forumin Kia në Inglewood, Kaliforni të premten.
Rodrigo, 20 vjeçe, ka veshur një fustan të ngushtë argjendi të errët me një dekolte të ulët. Ajo e kombinoi dukjen me geta të zeza dhe çizme të ngjashme.
Paris, 42-vjeçe, cila kohët e fundit mirëpriti fëmijën e saj të dytë përmes një gruaje surrogate, kishte të gjithë sytë tek ajo, me një fustan argjendi vezullues me disa yje që i kishte si dizajn në fund të fustanit, shkruan DailyMail.
Dixie, 22-vjeçe, tregoi këmbët e saj të tonifikuara me një fustan të shkurtë ngjyrë rozë me qafë dhe çizme rozë kauboji.
Rodrigo ishte ndër artistët që performuan në “KIIS-FM Jingle Ball” të këtij viti, i cili është një koncert vjetor i prodhuar nga stacioni radiofonik i Los Anxhelosit “KIIS-FM”.
Yje të tjerë që performuan përfshinin Niall Horan, AJR, Sabrina Carpenter, Miguel, Doechii, Flo Rida, (G)I-DLE dhe P1Harmony.
Rodrigo i lëshoi flokët e saj të errëta, të rregulluara me kaçurrela për mbrëmjen. Krijuesja e hitit “Good 4 U” zgjodhi një shkëlqim të butë dhe e zbukuroi pamjen e saj me një numër unazash argjendi.
Olivia u fotografua gjithashtu duke u shoqëruar me Ryan Seacrest, në ngjarje. Prezantuesi i “American Idol” dukej e shkëlqyeshme me një kostum të kuq prej kadifeje. /Telegrafi/
