Aktorët e njohur të serialeve vendore Fatmir Spahiu dhe Shkumbin Istrefi kanë ironizuar së fundmi me iniciativën për themelimin e “Shoqatës së Prishtinalive të Vjetër”.
Përmes rrjetit social Facebook, aktorët e njohur kanë publikuar nga një status, përmes së cilëve me sarkazëm ‘hedhin poshtë’ këtë iniciativë.
I pari, Fatmir Spahiu, i njohur si “Oki” shkruan në statusin e tij se edhe ai mendon të themelojë dy shoqata, e para e Prishtinalive te ardhur ne Prishtinë para Skenderbeut, dhe tjetrën të Gilanasve te Prishtinalizuar ndër vite!
Ndërkohë ndryshe prej tij, Shkumbin Istrefi i njohur si “Feka” i serialit “Kafeneja Jonë”, shkruan me satirë se është në dyshime për prejardhjen e mbiemrit të tij.
Ai thotë se nuk po e di nëse është prishtinali i vjetër apo jo?
Por, aktorët e njohur nuk janë të vetmit që kanë trajtuar në këtë lloj forme iniciativën për themelimin e kësaj shoqate, pasi të tilla reagime ka pasur shumë edhe nga personalitet tjera. /Telegrafi/