Oketa kërkoi që Ministria e Jashtme të marrë masa pas deklaratave të konsullit se në Korçë ka grekë dhe thirrjeve të tij që qytetarët atje të deklarojnë kombësinë dhe të regjistrohen si grekë.
Kryetari i Komisionit të jashtëm parlamentar, Fatos Beja kërkoi që të bëhet kujdes me deklaratat sepse sipas tij, duhet të ruhen edhe marrëdhëniet me shtetin grek.
Përfaqësuesi i Ministrisë së Jashtme, Gazmend Turdiu tha se deklaratat e konsullit grek janë personale dhe se kjo çështje është diskutuar në takimin e mbajtur në Ministrinë e Jashtme me ambasadorin grek në Tiranë, Nikos Pazios. /Telegrafi/