Është zhvilluar xhiro e radhës në elitën e basketbollit amerikan NBA, ku vëmendja ka qenë në TD Garden të Bostonit.
Boston Celtics është mposhtur para adhuruesve të vet nga Oklahoma City Thunder me gjashtë pikë diferencë 112:118.
Në fakt OKC ka ndërprerë serinë pozitive të Bostonit prej pesë fitoreve radhazi, derisa më meritori ishte kanadezi Shai-Gilgeous-Alexander.
Fundori kanadez e mbylli ndeshjen me 34 pikë, pesë kërcime e shtatë asistime.
Me lojë të mirë u dallua edhe talenti Chet Holmgren që e mbylli ndeshjen me 23 pikë e 15 kërcime.
Jayson Tatum ishte më efikasi për vendasit me 33 pikë, tetë kërcime e tetë asistime, por që nuk mjaftuan për fitore. /Telegrafi/
Rezultatet:
Atlanta – Charlotte 123:110
Boston – Oklahoma 112:118
Toronto – Philadelphia 118:105
Houston – Phoenix 111:104
Memphis – Utah 122:115
Miami – LA Clippers 104:119
San Antonio – Dallas 126:116
Denver – Minnesota 95:115
Portland – New York 113:114
