Angelo Ogbonna ka thënë se drejtuesve të Ligës Premier duhet të ju vije turp që nuk kanë reaguar menjëherë në lidhje me coronavirusin.
Mbrojtësi i West Ham Unitedit deklaroi se nga krerët e ligës angleze pritej që dikush të ndërronte jetë nga virusi, e më pas të ndërpresin ligën.
“Tani jam i lumtur dhe më i qetë që gjithçka është suspenduar dhe nuk do të luajmë më futboll në këtë situatë. Dukej se ata (Liga Premier) dëshironte të injoronte këtë situatë”, ka thënë ai.
“Nuk është vetëm futbolli, por ky është mentaliteti i anglezëve. Ata ende nuk e dinë se çfarë rreziku kanë”.
“Shpresoj që ata të sillen më mirë dhe të marrin gjendjen më serioze dhe jo të presin viktima për të vepruar”, ka shtuar më tej Ogbonna.
Tashmë në Ligën Premier janë disa persona të prekur dhe të gjitha takimet janë shtyrë deri më 4 prill. /Telegrafi/