Përfaqësues të Organizatës së oficerëve rezervë të Maqedonisë kanë marrë pjesë në akademinë gjuhësore në Talin të Estonisë, transmeton Telegrafi Maqedoni.
Kjo akademi u organizua nga Konfederata ndërkombëtare e oficerëve rezervë që vepron në kuadër të NATO-s. Oficerët kanë përcjellur ligjërata nga oficerë të SHBA-ve, Britanisë së madhe dhe Francës.
Me këtë rast, oficerët kanë patur mundësi që të përfitojnë njohuri terminologjike ushtarake në gjuhën angleze dhe frenge, duke shkëmbyer kështu edhe përvoja në sferën e mbrojtjes, sigurisë dhe mbrojtjes civile./Telegrafi/