Offset ishte arrestuar në Georgia të premtën pasi policët gjetën së paku një armë afër tij gjatë kontrollimit të veturës.
Reperi i grupit Migos ishte duke drejtuar veturën e tij jashtë qytetit në Atlanta kur vetura e tij SUV ishte ndalur nga policia për shkak të xhamave të errët.
TMZ raporton se zyrtarët policorë kanë gjetur së paku një armë në veturë. Ky arrestim i Offset është thyerje e lirisë së tij me kusht pasi ishte dënuar më prë.
Offset ishte dënuar më parë për shtënie me armë, posedim i marijuanës, posedim i armës gjatë një krimi dhe për kalim të shiritave në autostradë në mënyrë jo të duhur.
Më herët gjatë këtij muaji Offset dhe bashkëshortja e tij, Cardi B, mirëpritën në jetë vajzën e tyre Kulture Kiari Cephus. As Cardi e as foshnja nuk ishin në veturë gjatë kohës së arrestimit të Offset.
Offset dhe Migos pritet të fillojnë turneun me Drake të quajtur “Aubrey and The Three Amigos Tour” i cili fillon më 26 korrik në Salt Lake City. /Telegrafi/