Julian Weigl mund të largohet nga Borussia Dortmundi qysh në afatin kalimtar të janarit.
Mesfushori gjerman është duke kaluar nëpër një formë të jashtëzakonshme në elitën e futbollin gjerman dhe në Evropë.
22-vjeçari pëlqehet jashtëzakonisht shumë nga trajneri spanjoll Pep Guardiola i cili po e kërkon me ngulm atë.
Mediat gjermane kanë raportuar se City ka gati një ofertë të lartë për ta bindur Dortmundin të heqë dorë nga ylli i tyre.
Besohet se oferta e Cityt do ta kalojë shifrën e 50 milionë eurove për gjermanin e talentuar.
Kujtojmë që Weigl iu bashkua Dortmundit në verën e vitit 2015 nga 1860 Munchen.
Përveç Cityt në garë për reprezentuesin e Gjermanisë janë edhe Barcelona dhe Juventusi.
Kontrata aktuale e Weigl me Dortmundin është deri në qershor të vitit 2021. /Telegrafi/