Propozimi është të shitet 43% e kapitalit të Austrian Airlines, që vlen përreth 157 milionë euro, por në ofertë saktësohet se lloji i shitjes do të jetë i adaptuar në një funksion të një objektivi të ruajtjes së një pakti për aksionarët austriakë duke mbajtur së bashku 25%.
Blerësi duhet mbi të gjitha të ruajë emrin e Austrian Airlines ndërkohë që selia sociale dhe Aeroporti i Vjenës duhet të jenë qendra kryesore e korrespondencës.
Jashtë participimit, një grup i përbërë nga dy banka austriake dhe një kompani sigurimesh do të mbajnë 7% të aksioneve, ndërkohë që Austrian Airlines posedon 3% të aksioneve të saj.
Këshilli admiminstrativ i kompanisë ka studiuar shumë blerës eventualë dhe një burim i afërt i këtij këshilli ka deklaruar se një pjesë e madhe e anëtarëve të këshillit, kishin një preferencë për kompaninë ajrore gjermane Lufthansa .
Këshilli merr në konsideratë në mënyrë të barabartë edhe Air France- Klm, kompaninë ruse Aeroflot dhe atë turke “Turkish Airlines” si kandidatë të mundshëm.
Një zëdhënës i Lufthansës kishte konfirmuar të martën se transportuesi gjerman do të diskutonte dosjen për blerjen e kompanisë austriake nëse do të ftohej.