Oda Ekonomike e Maqedonisë së Veriut sot ka kërkuar takim urgjent me ministrin e ekonomisë Kreshnik Bekteshi për konsultime shtesë me qëllim, siç kumtuan, për të gjetur një zgjidhje të balancuar për ngrirjen e marzheve në tregtinë me shumicë dhe pakicë, e cila duhet të zbatohet nga fillimi i muajit të ardhshëm.
Nëse marzhi ngrihet për një periudhë të caktuar, sipas kompanive në Odë, duhet të jetë në masën 20 për qind në tregtinë me pakicë, ndërsa duhet edhe korrigjimi i listës së produkteve, përkatësisht vendimi i Qeverisë të vëejë vetëm ndaj produkteve bazë në sektorët e mbuluar prej tij. Nëse lista e shitësve nuk korrigjohet, sipas informacioneve nga Oda, kompanitë do të detyrohen t’i anulojnë këto produkte në periudhën e ardhshme.
Sipas Odës, përfaqësuesit e tregtarëve me shumicë dhe pakicë, si pjesë e Shoqatës së Tregtisë dhe Shoqatës së Bujqësisë dhe Industrisë Ushqimore mbajtën një takim në të cilin e shqyrtuan vendimin e fundit të Qeverisë me të cilin përcaktohet marzhi më i lartë tregtar deri në 5 për qind të çmimit shitës i llogaritur në tregtinë me shumicë, pra deri në 10 për qind të çmimit shitës në tregtinë me pakicë, si kusht i veçantë në tregti.
Njëkohësisht, qëndron në kumtesë, kompanitë kërkojnë korrigjimin e listës së produkteve, përkatësisht vendimin për t’iu referuar vetëm produkteve bazë në sektorët që mbulon ajo.
Me vendim të Qeverisë nga i pari i muajit të ardhshëm deri më 31 maj të këtij viti, marzhi më i lartë tregtar i çmimit shitës i llogaritur në tregtinë me shumicë do të jetë deri në pesë për qind, përkatësisht deri në 10 për qind të çmimit shitës në tregtinë me pakicë. Masa i referohet: bukës, sheqerit, kripës, miellit – tip 400, vajit të papërpunuar të lulediellit dhe vajit të lulediellit për ngrënie, qumështit të përhershëm me përmbajtje yndyre 2.8, 3.2 dhe 3.5 për qind, mishit të freskët dhe mishrave të përpunuara, djathit dhe gjizës, orizit, vezë, makarona, grurë dhe fruta e perime. Ky vendim kontrollon rritjen e çmimeve të ushqimeve bazë që të mos ketë ndikim të madh në konsumin e qytetarëve, duke qenë se nga data 1 mars pushon së vlefshmi vendimi i mëparshëm i vlefshëm për çmimet më të larta (të ngrira) të ushqimeve bazë.
Ai bëri të ditur se në periudhën e ardhshme Inspektorati Shtetëror i Tregut (ISHT) do të dalë në terren me kontrolle të intensifikuara te tregtarët, ndërsa qytetarët që do të përcaktojnë çmimet e rritura drastike të produkteve ushqimore bazë të lajmërohen në numrin e telefonit pa pagesë të ISHT 191.