Anësori i Sevillas, Lucas Ocampos, e hapi serinë e penalltive kundër Romës në finalen e Ligës së Evropës duke shënuar nga pika e bardhë pa shikuar.
Klubi spanjoll e fitoi trofeun e shtatë të garës së dytë evropiane nga rëndësia duke triumfuar ndaj Giallorossëve në finalen e të mërkurës mbrëma në Budapest pas ekzekutimit të penalltive.
Koha e rregullt u mbyll me rezultat të barabartë (1-1), ndërsa shifrat nuk ndryshuan as pas vazhdimeve dhe fituesi u vendos me njëmbëdhjetëmetërsha.
Lucas Ocampos scored this sumptuous No-look penalty in a final. Wow. Argentinians have the coolest heads when it comes the penalties. Montiel scored the winning pen just as he did in the World cup final.🇦🇷🙌🏽 pic.twitter.com/bRtw0vyH7W
— 🇦🇷فَارُوقْ (@Farouq_jr) June 1, 2023
Ocampos ishte i pari në listën e atyre që i ekzekutuan penalltitë, ndërsa realizoi me stil.
28-vjeçari u tregua i saktë nga pika e bardhë duke e dërguar në anën e kundërt portierin Rui Patricio, ndërkohë që nuk shikoi kah goli në momentin e goditjes së topit.
Gabimet nga Gianluca Mancini dhe Roger Ibanez nga penalltia i kushtuan Romës që nuk arriti ta fitonte trofeun e as të kualifikohej në Ligën e Kampionëve për sezonin e ardhshëm. /Telegrafi/
