Organizata Botërore e Shëndetësisë ka paralajmëruar se mund të vie deri te “vala e dytë” e infeksioneve nga COVID-19 në SHBA dhe Evropë, nëse zbutja e masave kufizuese ndodh shumë shpejtë.
Mjeku Mike Ryan, kreu i Emergjencës në OBSH, ka dhënë këtë paralajmërim gjatë një konference për media, ku derisa numri i rasteve të reja është duke rënë, sipas tij vendet e botës mund të përballen me një “valë të dytë” nëse masat lehtësuese aplikohen me shpejtësi të madhe, transmeton Telegrafi.
Ai gjithashtu paralajmëroi disa vende në Amerikën Qendrore dhe atë të Jugut, Azinë Jugore dhe në Afrikë, që po vazhdojnë të regjistrojnë një numër të madh të rasteve të reja.
Ky paralajmërim vjen në po të njëjtën ditë kur OBSH-ja pezulloi testimin e hydroxychloroquine tek pacientët, nga frika se mund të vie deri te ndonjë komplikim. Ky ilaç ishte përdorur në luftën kundër sëmundjes së Malaries. /Telegrafi/