Organizata Botërore e Shëndetit ka vlerësuar se situata epidemiologjike në SHBA është shokuese, duke marrë parasysh gjendjen në të cilën gjendet sistemi shëndetësor.
Drejtor i Departamentit për Situata të Jashtëzakonshme pranë OBSH-së, Mike Ryan, ka thënë se një e treta e sëmurëve në botë vijnë nga SHBA-të, transmeton Telegrafi.
“Epidemia në SHBA është e tmerrshme, po përhapet kudo. Thënë të drejtën, të dhënat shokuese tregojnë se çdo minutë në SHBA vdesë një apo dy persona, kurse flasim për vendin me një sistem të fortë shëndetësorë dhe kapacitete të papara teknologjike”, ka shtuar Ryan.
Në anën tjetër, kreu i OBSH-së, Tedros Adanom Gebreyesus, ka thënë pret që të vë kontakte me ekipin trazicional të presidentit të ri të zgjedhur të SHBA-ve, Joe Biden.
Kujtojmë që administrata e Donald Trumpit, pati paralajmëruar se do të largohet nga OBSH-ja sepse “është shumë e varur nga Kina dhe korrupsioni”, kurse Biden ka treguar interesim që një vendim të tillë ta ndryshojë. /Telegrafi/