Nëpërmjet një njoftimi të OBRM-PDUKM-së thuhet se “Propozim-ligji për Prokurori Publike që forcon Zaevin është në kundërshtim me Kushtetutën dhe normat ndërkombëtare”.
“Propozim-ligji për Prokurori Publike që forcon Zoran Zaevin është vlerësuar si katastrofal dhe i pakuptimtë nga të gjithë ekspertët juridike. E vetmja vlerë e këtij propozimi është që Zoran Zaev i mundësohet amnisti për krimet e kryera”, shprehen nga OBRM-PDUKM, njofton Telegrafi Maqedoni.
Ata shtojnë se Zaev është i sigurt se një propozim i tillë që nuk është reformues do të vazhdohet të kontrollohen, siç thonë nga OBRM-PDUKM, shërbyesin në Prokurori Publike të cilët për tre vite kanë zbatuar urdhrat e tij.
“Zaev s’dëshiron Prokurori profesionale dhe të pavarur që do të luftojë krimin. Zoran Zaev dëshiron kukulla që ta amnistojnë atë dhe bashkëpunëtorët e tij”, thonë nga OBRM-PDUKM.
Sipas tyre, Zaev refuzoi dy vërejtjet e OBRM-PDUKM-së dhe ekspertëve për Ligjin për Prokurori Publike dhe refuzoi që propozimi i ligjit të ri ta shkruajnë njohësit më të mirë të problematikës.
“Zoran Zaev frikësohet nga Prokuroria e reformuar dhe e profesionalizuar për shkak se ai duhet të përgjigjet për ryshfetin e tij, zhvatjen, kërcënimet dhe keqpërdorimet. Frika e Zaevit nga përgjegjësia penale është arsyeja kryesore se pse po përpiqet që me kërcënime dhe ryshfet të sigurojë përkrahje për ligjin që është kundër Kushtetutës”, shprehen nga OBRM-PDUKM./Telegrafi/