Nëpërmjet një njoftimi të partisë opozitare maqedonase OBRM-PDUKM thuhet se “pagat në MPB dhe në armatë po vonohet. Ushtarët tanë në Gjermani janë dërguar me uniforma të grisura”.
Sipas tyre pushteti nuk ndërmerr asgjë ndërsa administrata shtetërore është në kaos total, njofton Telegrafi Maqedoni.
“Mjekët, ushtria dhe zyrtarët policorë janë me uniforma të grisura. Libra për nxënësit nuk ka, edhe pse viti mësimor ka nisur që para një muaji”, thuhet në njoftimin e OBRM-PDUKM-së.
Ata shtojnë se pushteti po harxhon në gjithçka po jo edhe tek qytetarët ndërsa policia proteston dhe bllokon kurse bujqi protestojnë dhe hedhin prodhimin e tyre.
“Në Maqedoni sundon kaosi dhe pakënaqësia. Vetëm Zoran Zaevi është i lumtur për shkak se pasuria e tij familjare dhe pasuria e bashkëpunëtorëve të tij po rritet.”, thuhet në njoftimin e OBRM-PDUKM-së.
Në fund të kumtesës, OBRM-PDUKM kërkon zgjedhje të parakohshme kuvendare në mënyrë që LSDM të bie nga pushteti./Telegrafi/