Nëpërmjet një njoftimi të partisë opozitare maqedonase thuhet se “LSDM bie. Pushteti është i frikësuar dhe për këtë arsye bën trysni dhe kërcënime”.
“Zaev është në rrugën që ta rrezikojë ardhmërinë e shtetit. Ky pushtet nuk ka kapacitet të zbatojë reforma, dhe për këtë shkak nuk kanë filluar bisedimet me BE-në”, thonë nga OBRM-PDUKM, njofton Telegrafi Maqedoni.
Sipas kësaj partie, Zoran Zaev gjithçka që ka premtuar ka gënjyer dhe se edhe pse ka premtuar fshesë, vetëm Tevdovski nuk është.
“Qytetarët nuk panë asgjë pozitive nga kjo Qeveri. Bujqit hedhin prodhimin e tyre, arsimi është degraduar, shëndetësia është e shkatërruar së bashku me sistemin juridik”, thonë nga OBRM-PDUKM.
Ata shtojnë se do të propozojnë ligj të ri për PSP-në sipas të drejtës evropiane dhe rekomandimeve të Gjykatës evropiane të drejtësisë dhe se institucionet juridike nuk duhet të përdoren për ballafaqime politike.
“OBRM-PDUKM do ta kthejë shtetin e së drejtës dhe sundimin e së drejtës. Pas fitores në zgjedhje do të fillojë çlirimi i Maqedonisë nga ky regjim”, thuhet në fund të kumtesës së kësaj partie./Telegrafi/