OBRM-PDUKM vlerëson se sulmi i djeshëm fizik nga deputeti Maksim Dimitrievski i LSDM-së ndaj një 23-vjeçari vetëm se, siç thonë nga partia, vetëm se nuk i ka pëlqyer kënga maqedonase e cila është porositur, është kulmi i sjelljes kriminale të pjesëtarëve të LSDM-së, përcjell Telegrafi Maqedoni.
‘I dhunshmi Dimitrievski, pa kurrfarë arsye dhe shkaku, guxoi ta grushtojë një djalosh 23-vjeçar, vetëm pèr atë se nuk i ka pëlqyer kënga maqedonase e cila është porositur. Ky skandal duhet të qartësohet deri në fund. Dhuna e kriminelëve dhe e tradhtarëve të LSDM-së duhet të sanksionohet’, thuhet në kumtesën e sotme të OBRM-PDUKM-së.
Kujtojmë se tetë persona, disa prej të cilëve policë civilë të armatosur, mbrëmë vonë kanë sulmuar fizikisht deputetin e LSDM-së Maksim Dimitrievski nga Kumanova. Për fat të mirë, Dimitrevski ka vetëm lëndime të lehta në krahun e tij. Rasti është raportuar në polici, por siç mëson Plusinfo, askush nuk është arrestuar./Telegrafi/