Partia më e madhe opozitare maqedonase sot do të protestojë në Shkup dhe në qytetet tjera.
Nga kjo parti thonë se sot nga ora 15:00 deri në ora 16:30 do të bllokohen udhëkryqet para Qeverisë dhe Ministrisë së Punëve të Jashtme, ndërsa në ora 18:00 do të mbahen protestat në 15 qytete në Maqedoni.
“Vazhdojmë bashkë me popullin në luftën për mbrojtjen e nderit dhe dinjitetit të shtetit dhe popullit maqedonas. Nuk do të lejojmë nënçmime dhe shitjen e interesave kombëtare dhe shtetërore, dhe pikërisht për këtë, bashkërisht sa më masivisht duhet t’i çojmë mesazh Zaevit dhe LSDM-së të shkojnë sa më shpejt për shkak se Maqedonisë i sollën vetëm humbje dhe dështime”, thonë nga kjo parti.
Edhe gjatë ditës së djeshme OBRM-PDUKM protestoi në Shkup dhe në disa qytete tjera, ndërsa në kryqytet i pranishëm ishte dhe kreu i saj, Hristijan Mickoski./Telegrafi/