Nëpërmjet një njoftimi të OBRM-PDUKM-së thuhet se “pas 12 prillit vijon rindërtimi i Maqedonisë, realizim i projekteve të mëdha ku do të përfitojnë gjithë qytetarët e Maqedonisë”.
“Qeveria e ardhshme që do të udhëhiqet nga OBRM-PDUKM dhe Hristijan Mickoski obligohet para qytetarëve të mundësojë rritje të pagës mesatare në shtet për minimum 25% në një mandat. Kjo do të thotë më shumë për punëtorët mesatarisht 6.500 denarë më shumë”, shprehen nga OBRM-PDUKM, njofton Telegrafi Maqedoni.
Ata shtojnë se do të rritet edhe pensioni mesatar për 20% që do të thotë për 3.000 denarë më shumë për çdo pensionist dhe se papunësinë do ta ulin nën 10%.
“OBRM-PDUKM punon dhe do të vazhdojë të punojë për të mirën e qytetarëve. Me projekte të tilla konkrete dhe reali, OBRM-PDUM vazhdon të kujdeset për qytetarët e Maqedonisë”, shprehen nga kjo parti./Telegrafi/