Nëpërmjet një njoftimi të partisë opozitare maqedonase OBRM-PDUKM thuhet se “paaftësia e Qeverisë së LSDM-së nuk arriti të realizojë grantin për të rinjtë prej 10.000 eurove, dhe i heq masat e kreditimit të personave fizik dhe juridik”.
“Me LSDM-në dhe Zoran Zaevin, Maqedonia po varfërohet dhe po boshatiset”, thuhet në njoftimin e OBRM-PDUKM-së, njofton Telegrafi Maqedoni.
Sipas OBRM-PDUKM-së, qytetarët po jetojnë në varfëri dhe se ka emigrime masovike të të rinjve që për shkak të moskujdesit të LSDM-së janë të detyruar ta lëshojnë vendin.
“Qytetarë e dinë mirë se politikat ekonomike të LSDM-së janë katastrofale. Qytetarët e dinë se LSDM-ja po kryen partizim të institucioneve”, shprehen nga OBRM-PDUKM
Për shkak të politikave katastrofale të LSDM-së, thonë nga OBRM-PDUKM, Maqedonia ra shtatë vende në listën e ‘Doing Business’ dhe kjo është dëshmi për korrupsionin dhe mospunën e Qeverisë së Zaevit./Telegrafi/