Nëpërmjet një njoftimi të OBRM-PDUKM-së, thuhet se “mijëra shkupjanë nënshkruan kundër regjistrimit të falsifikuar të Zaevit”.
Ata shtojnë se në mënyrë masive, në të gjitha komunat e Shkupit, qytetarët i thanë jo regjistrimit që po e shtyn LSDM, njoftonN Telegrafi Maqedoni.
“Regjistrimi është operacion statistikor, dhe si i tillë ai duhet të jetë sipas metodologjisë dhe më pas të japë rezultate reale, dhe jo rezultate të marrëveshjeve politike”, thonë nga OBRM-PDUKM.
Sipas tyre, pas daljes së madhe të qytetarëve kundër regjistrimit, Zaev duhet ta tërheq idenë për regjistrim në prill.
“Regjistrim po, pr në mënyrë elektronike dhe sipas metodologjisë, që do të japë rezultate reale”, thuhet në fund të njoftimit./Telegrafi/