Nëpërmjet një njoftimi të partisë opozitare maqedonase OBRM-PDUKM përshëndetet nisma e komisionit Anti-korrupsion duke theksuar se duhet të hetohen të gjitha aspektet ku ka interes.
“Njëherit e inkurajojmë që me të njëjtin entuziazëm të hetojnë edhe pronën e kryeministrit Zoran Zaev nga nga një pronë mesatare bujqësore arriti të kushtojë disa milionë euro, siç Zaev e ndërtoi ‘Global’ për çka ishte edhe i amnistuar”, thonë nga OBRM-PDUKM duke theksuar se Zaevi u amnistuar në rastin “Ryshfeti” edhe pse shihet në video se si kërkon ryshfet, njofton Telegrafi Maqedoni.
Ata thonë se komisioni Anti-korrupsion duhet të hetojë edhe ata të pushtetit, duke kërkuar kështu lejet e shumta për hidrocentrale të zëvendëskryeministrit Angjushev dhe të hetojnë dyshimet e firmave greke të ministrit Mançevski dhe firmat për marihuanë të falmijes Zaev.
Nga OBRM-PDUKM thonë se në ditën e fundit të fushatës, Zaev keqpërdor institucionet për një marketing politik qesharak për ta mbuluar humbjen.
“Kryetari i OBRM-PDUKM-së, Mickoski, është në dispozicion për të gjithë detajet lidhur me hetimet”, thuhet në fund të kumtesës së OBRM-PDUKM-së./Telegrafi/