Partia opozitare maqedonase OBRM-PDUKM, e ka akuzuar sërish kryeministrin Zoran Zaev për menaxhimin e çështjes me Bullgarinë.
Nga kjo parti thonë se Zoran Zaevi është njeriu nga i cili Maqedonia turpërohet.
“Politika e tij e përkuljes dhe të bërjes pazare me interesat kombëtare ka dështuar. I vetmuar dhe i frikësuar, sepse e ka të qartë se edhe bashkëpartiakët e tij dhe të gjithë qytetarët e kanë lexuar politikën e tij shkatërruese dhe gjithnjë e më shumë po e kundërshtojnë”.
“Askush në Maqedoni nuk do ta lejojë Zaevin, për interesat e tij personale dhe ruajtjen e kolltukut të bëjë pazare ne identitetin, gjuhën dhe popullin maqedonas, me historinë. Ai e shkeli dinjitetin e maqedonasve edhe atë jo vetëm të atyre të sot janë gjallë, por edhe të mijëra të cilët e dhanë jetën për Maqedoninë. Me çfarë të drejte e mohon luftën maqedonase në periudhën e Ilindenit?”, thonë nga OBRM-PDUKM./Telegrafi/