OBRM-PDUKM e Nikolla Gruevskit i është përgjigjur ministrit për Shoqëri informative dhe administratë publike, Damjan Mançevski në lidhje me punësimet në administratën shtetërore duke e quajtur mashtrues dhe të pa aftë, shkruan Telegrafi Maqedoni.
”Ai me gënjeshtra mundohet të manipulojë me partizimin masiv të administratës shtetërore. Në periudhën 17 tetor-31 maj nuk janë punësuar 7708 njerëz por vetëm 160 persona që janë dashur në administratën e kaluar të udhëhequr nga partia jonë. Mançevski manipulon me numra për të fshehur punësimin dhe partizimin masiv në administratën shtetërore të bërë për dy muaj.” thonë nga OBRM-PDUKM.
Mançevski më herët tha se ish-kryeministri Nikolla Gruevski ka pasur 86 këshilltarë ndërsa janë punësuar pa nevojë edhe mijëra administratorë që ende nuk janë sistemuar. /Telegrafi/